१८ कात्तिक २०८२ मधेस प्रदेश ; केहि दिन अगाडि निर्वाचित वडाध्यक्षबाट खुट्टा मालिस गराएको भिडियो सार्वजनिक भएपछि विवादमा परेका गाउँपालिका अध्यक्षले दिए पदबाट राजीनामा दिएका छन ।
सप्तरीको अग्नीसाईर कृष्णासवरन गाउँपालिका अध्यक्ष दिनानाथ चौधरीले उपाध्यक्षको कार्यकक्षमा रहेको सोफामा सुतेर वडाध्यक्षबाट खुट्टामा मालिस गराएका थिए ।
अग्नीसाईर कृष्णासवरन गाँउपालिका उपाध्यक्ष कल्पना चौधरीलाई सम्बोधन गर्दै अध्यक्ष चौधरीले ५ असोजमा राजीनामा पत्र बुझाएका बुझिएको छ।
‘म दिनानाथ चौधरी, अग्नीसाईर कृष्णासवरन गाउँपालिकाको अध्यक्ष पदमा कार्यरत रही आएकोमा विभिन्न कारणवश सो पदमा निरन्तर कार्य गर्न असमर्थ भएको छु,’ राजीनामा पत्रमा छ ।
पदमा आवश्यक दक्षता, समय र ऊर्जा दिन नसकेको महसुस आफूले गरेकोले स्वच्छाले नै अध्यक्ष पदबाट राजीनामा दिएको जानकारी उनले पत्रमा उल्लेख गरेका छन् ।
उनले पत्रमा लेखेका छन्, ‘गाउँपालिका अध्यक्षको हैसियतले पाएको अनुभवलाई म जीवनको महत्त्वपूर्ण उपलब्धि ठान्दछु । भविष्यमा पनि समाज र गाउँको सेवामा आफूलाई निरन्तर समर्पित गर्ने प्रतिबद्धता व्यक्त गर्दछु । त्यसैले मेरो यो राजीनामा स्वीकृत गरी आवश्यक प्रक्रिया अगाडि बढाई दिन अनुरोध गर्दछु ।’
अध्यक्ष चौधरीको राजीनामा मंगलबार स्वीकृत भएको पालिका उपाध्यक्ष कल्पना चौधरीले जानकारी दिइन् ।
